کامن ویلتھ گیمز: پاکستانی تیراکوں کی دوسرے روز بھی مایوس کن کارکردگی

گلاسگو میں جاری کامن ویلتھ گیمز 2026 میں پاکستان کے تیراکوں کی مایوس کن کارکردگی کا سلسلہ دوسرے روز بھی جاری رہا، جہاں تمام چاروں قومی سوئمرز اپنے اپنے ایونٹس کی ہیٹس سے آگے بڑھنے میں ناکام رہے۔ ویمن 200 میٹر فری اسٹائل میں جہاں آرا نبی 2 منٹ 11.16 سیکنڈ کے وقت کے ساتھ 29ویں نمبر پر رہیں اور فائنل میں نہ پہنچ سکیں۔ مینز 400 میٹر فری اسٹائل میں احمد درانی 4 منٹ 14.85 سیکنڈ کے ساتھ 22ویں جبکہ 50 میٹر فری اسٹائل میں حمزہ آصف 24.17 سیکنڈ کا وقت نکال کر 39ویں پوزیشن حاصل کر سکے اور سیمی فائنل میں جگہ نہ بنا سکے۔ اس کے علاوہ ویمن 100 میٹر بریسٹ اسٹروک میں حریم ملک 1 منٹ 22.51 سیکنڈ کے ساتھ 27ویں نمبر پر رہیں اور مقابلے سے باہر ہو گئیں۔