جج کی تنبیہ پر بے وفا شوہر سے معافی مانگنے والی خاتون سلیبریٹی بن گئی

چینی خاتون نیوونا نے اپنے شوہر اور اس کی معشوقہ کو پانچ سالہ معاشقے کے بعد بے نقاب کیا اور تمام ثبوت سوشل میڈیا پر شیئر کیے۔ بعد ازاں، شوہر اور معشوقہ نے نیو کے خلاف ہتک عزت کا مقدمہ جیتا۔

عدالت نے حکم دیا کہ نیو 15 روز تک عوامی طور پر معافی مانگیں، لیکن نیو نے اس سزا کو اپنی کامیابی میں بدل دیا۔ انہوں نے عدالت کے حکم کے مطابق ویڈیوز بنائیں اور معافی پوسٹ کی، ساتھ ہی شوہر کی شہ خرچی، بیٹی کی تعلیم میں حصہ نہ ڈالنے اور گھریلو تشدد کے بارے میں معلومات بھی شیئر کیں۔

اب تک نیو کی ویڈیوز لاکھوں بار دیکھی جا چکی ہیں اور ہر ویڈیو پر تقریباً 5 لاکھ لائکس آچکے ہیں، جس سے وہ اپنے ملک میں سوشل میڈیا سلیبریٹی بن گئی ہیں۔