ہوبہو انسانوں کی طرح کا روبوٹک سر، جس کے تاثرات آپ کو حیران کر دیں گے

ایک چینی اسٹارٹ اپ نے روبوٹکس کی دنیا میں اہم پیشرفت کرتے ہوئے ایک ایسا جدید روبوٹک سر (Robotic Head) متعارف کرایا ہے جو تاثرات اور ساخت میں کافی حد تک بالکل حقیقی انسان جیسا لگتا ہے۔

رپورٹ کے مطابق اس روبوٹ کی نمایاں خصوصیات درج ذیل ہیں  یہ روبوٹ انسانی چہرے کی باریکیوں جیسے کہ بھنویں سکیڑنا، ہلکی مسکراہٹ اور آنکھوں کی حرکات کی بالکل درست نقل کر سکتا ہے۔

• مائیکرو موٹرز کی ٹیکنالوجی: سلیکون کی جلد کے نیچے 25 سے 42 تک خاموش مائیکرو موٹرز نصب ہیں، جو انسانی پٹھوں (Muscles) کی طرح پھیلتے اور سکڑتے ہیں۔  روبوٹ کی پتلیوں کے اندر کیمرے چھپائے گئے ہیں تاکہ وہ ماحول اور چیزوں کی نقل و حرکت پر نظر رکھ سکے۔ اس کے علاوہ انسانی آواز سننے اور بات چیت کے لیے مائیکرو فون اور اسپیکر بھی موجود ہیں۔ اس جدید ترین ٹیکنالوجی پر مبنی پہلے ماڈل کی قیمت تقریباً ڈیڑھ لاکھ (150,000) امریکی ڈالر رکھی گئی ہے۔

کمپنی کے مطابق مستقبل میں اس روبوٹ میں لپ سنک (Lip-Sync) اور جدید لارج لینگوئج ماڈلز (LLMs) کو بھی شامل کیا جائے گا، تاکہ یہ نہ صرف انسانوں کی بات آسانی سے سمجھ سکے بلکہ ان کے لہجے اور جذبات کے مطابق چہرے کے صحیح تاثرات دیتے ہوئے جواب بھی دے سکے۔