شادی کی پیشکش کیلئے گاڑی میں 900 کلومیٹر کا فاصلہ طے کرنیوالا شخص

چین سے تعلق رکھنے والے 26 سالہ نوجوان “ٹان” نے اپنی محبت کو پانے کے لیے وہ کر دکھایا جو فلموں میں نظر آتا ہے۔ ٹان نے اپنی گاڑی پر ایک بڑا سرخ بینر لگایا جس پر لکھا تھا: “لوگو مجھے پہلے جانے دو، میں Guizhou جا رہا ہوں تاکہ اپنی محبت کو شادی کی پیشکش کر سکوں”۔ یہ بینر نہ صرف راستہ لینے کا ذریعہ بنا بلکہ ہزاروں ڈرائیورز کی دعائیں لینے کا سبب بھی۔ ٹان نے Fujian سے اپنی گرل فرینڈ کے آبائی صوبے Guizhou تک ساڑھے 12 گھنٹے طویل سفر طے کیا اور اسے سرپرائز دے کر شادی کی پیشکش کی، جسے اس نے بخوشی قبول کر لیا۔