چین: نوجوان لوگوں کی ’کھجلی مٹا کر‘ ماہانہ 40 لاکھ روپے کمانے لگا

شینزین: چین سے تعلق رکھنے والے ایک 32 سالہ نوجوان نے کمر کھجانے کی روایت کو ایک منافع بخش اور باقاعدہ کاروبار میں تبدیل کر کے سب کو حیران کر دیا ہے۔

چین کے صنعتی شہر شینزین کے رہائشی ژانگ شیاؤچیاؤ نے ‘سوما’ کے نام سے ایک منفرد سروس کا آغاز کیا ہے، جہاں شہری ذہنی دباؤ اور تھکاوٹ دور کرنے کے لیے جسم پر ہلکی کھجلی کروانے آتے ہیں۔ اس انوکھی سروس کے لیے عملہ خصوصی طور پر تیار کردہ مصنوعی نوکیلے ناخن استعمال کرتا ہے، جبکہ گاہکوں کو مساج پارلر کی طرز پر ایک گھنٹے کا سیشن فراہم کیا جاتا ہے جس کی فیس 300 یوآن (تقریباً 40 امریکی ڈالر) مقرر کی گئی ہے۔

ژانگ کے مطابق بڑے شہروں میں شدید ذیلی دباؤ کا شکار افراد اس تجربے کو عام مساج کی نسبت زیادہ پُرسکون اور نیند لانے میں معاون قرار دیتے ہیں۔ اس کاروبار کی کامیابی کا اندازہ اس بات سے لگایا جا سکتا ہے کہ شینزین میں قائم ان کی دو برانچز ماہانہ تقریباً ایک لاکھ یوآن کا ریونیو حاصل کر رہی ہیں۔ نوجوان کاروباری شخصیت اب چین بھر میں اپنے اس برانڈ کی 100 مزید برانچز قائم کرنے کا ارادہ رکھتے ہیں۔