چین میں روبوٹ کی 10 کلو واٹ کی پاور لائن کی مرمت

چین میں ایک روبوٹ نے کامیابی کے ساتھ انسان الیکٹریشن کی جگہ 10 کلوواٹ کی پاور لائن کی مرمت کر کے نئی مثال قائم کر دی ہے۔

یہ روبوٹ ہوبئی الیکٹرک پاور ریسرچ انسٹیٹیوٹ اور وہان اسٹیٹ گرڈ نے مشترکہ طور پر تیار کیا ہے۔ روبوٹ رِجڈ انسولیشنز کو ہٹانے، ذیلی تاروں کو مرکزی تار سے جوڑنے اور کنیکشنز کو درست طریقے سے کسنے کے لیے پریسائز لیزر کٹنگ ٹیکنالوجی استعمال کرتا ہے۔

وہان اسٹیٹ گرڈ کے ٹیکنیشن وو شِن کے مطابق یہ روبوٹ پیچیدہ وائرنگ میں بھی درست سمت شناسی کر سکتا ہے اور اس کی سب سے بڑی خوبی یہ ہے کہ اس سے بجلی کے جھٹکے سے انسانی اموات کے امکانات تقریباً ختم ہو جاتے ہیں۔

یہ تجربہ ہوبئی کی کاؤنٹی چنگشین میں کیا گیا جس کا مقصد مشکل اور خطرناک ماحول میں بجلی سے متعلق کام کرنے والے افراد کی حفاظت کو یقینی بنانا ہے۔