چین میں روبوٹ ٹریفک پولیس اہلکار تعینات

چین کے مشرقی صوبے ژی جیانگ کے شہر ہانگژو میں یومِ مئی کی تعطیلات کے دوران سیاحوں کے غیر معمولی رش اور ٹریفک کے دباؤ سے نمٹنے کے لیے سمارٹ ٹریفک روبوٹس تعینات کر دیے گئے ہیں۔ یہ روبوٹس مقامی ٹریفک کنٹرول سسٹم سے مکمل طور پر منسلک ہیں اور مصروف شاہراہوں پر گشت کرتے ہوئے قوانین کی خلاف ورزیوں پر کڑی نظر رکھتے ہیں۔ حکام کے مطابق اس اقدام کا مقصد انسانی اہلکاروں پر کام کا بوجھ کم کرنا اور ٹریفک مینجمنٹ کو جدید خطوط پر استوار کر کے اس کی کارکردگی کو بہتر بنانا ہے۔