جتنی رقم اٹھا سکتے ہو اٹھا لو، کمپنی کے مالک نے ملازمین میں انوکھے انداز سے بونس تقسیم کر دیا

چین کی معروف کرین ساز کمپنی ‘ہینان کوانگ شان کرین’ نے اپنے ملازمین کے لیے سخاوت کی نئی مثال قائم کر دی۔ کمپنی کو ہونے والے 27 کروڑ یوآن کے منافع کے بعد مالک چوئی پی جون نے 18 کروڑ یوآن (7 ارب پاکستانی روپے سے زائد) ملازمین میں تقسیم کرنے کا اعلان کیا۔ سالانہ تقریب کے موقع پر 6 کروڑ یوآن نقد بونس کی صورت میں دیے گئے، جبکہ ملازمین کو اسٹیج پر بلا کر میزوں پر لگی نوٹوں کی تھدیاں اٹھانے کا انوکھا موقع بھی دیا گیا۔ کمپنی مالک کا کہنا تھا کہ واشنگ مشینوں جیسے تحائف کے بجائے مہنگائی کے دور میں نقد رقم اور سونا زیادہ بہتر انتخاب ہے۔