38 ماہ میں دنیا کا سب سے بڑا ریلوے سٹیشن تعمیر

چین نے جدید انفراسٹرکچر کا ایک اور حیرت انگیز شاہکار پیش کرتے ہوئے صرف 38 ماہ کی قلیل مدت میں دنیا کا سب سے بڑا ریلوے اسٹیشن تعمیر کر دیا ہے۔ جنوب مغربی شہر میں واقع “چونگ چھنگ ایسٹ” نامی یہ اسٹیشن 12 لاکھ 20 ہزار مربع میٹر رقبے پر محیط ہے، جو فٹ بال کے 170 میدانوں کے برابر اور روم کے ویٹیکن سٹی سے بھی دُگنا سے زیادہ وسیع ہے۔ نیویارک کے گرینڈ سینٹرل اسٹیشن سے 6 گنا بڑے اس اسٹیشن میں 29 پلیٹ فارم، 15 ریلوے ٹریکس اور 8 منزلیں شامل ہیں۔ چونگ چھنگ کے مشکل پہاڑی محلِ وقوع کے باعث ورکرز نے پہلے دھماکوں اور کٹائی کے ذریعے پورے پہاڑ کو ہموار کیا، جس کے بعد 40 ہزار کارکنوں اور جدید روبوٹک مشینری کی مدد سے اس منصوبے کو پایا تکمیل تک پہنچایا گیا۔

اس عظیم الشان اسٹیشن کی چھت 16,500 ٹن وزنی اسٹیل سے تیار کی گئی ہے اور یہ مصروف ترین اوقات میں فی گھنٹہ 16,000 مسافروں کو سنبھالنے کی صلاحیت رکھتا ہے۔