شرارتی بچے نے اپنی ناک میں تالا پھنسا لیا، ویڈیو وائرل

چین کے صوبے ہونان کے شہر ہوائیہوا میں ایک شرارتی بچے نے اپنی ناک میں کمبینیشن پیڈ لاک لگا کر خود کو مشکل میں ڈال دیا۔

ابتدائی معلومات کے مطابق بچے نے یہ حرکت ’بُل ڈیمون کنگ‘ کی طرح دکھنے کے لیے کی تھی، لیکن تالا پھنسانے کے بعد وہ ایسے نظر آنے لگا جیسے اس کی ناک پر بیل کی نکیل لگی ہو۔

ناک سے تالے کو نکالنے کی متعدد کوششیں ناکام رہیں، حتیٰ کہ والدین بھی مدد نہ کر سکے۔ بالآخر فائر ڈیپارٹمنٹ کو طلب کیا گیا۔

فائر فائٹرز نے معائنہ کے بعد فیصلہ کیا کہ تالے کو کھینچنے یا زور لگانے سے بچے کی ناک میں شدید چوٹ لگ سکتی ہے، لہٰذا انہوں نے تالے کو کاٹ کر بچے کو محفوظ طریقے سے نکالا۔