بغیر تلوے کے سینڈلز، شینیل کے انوکھے فیشن نے سب کو حیران کردیا

لگژری برانڈ شینیل نے اپنے ریزارٹ 2027 فیشن شو میں ایک ایسا غیر روایتی ڈیزائن متعارف کرایا ہے جو بظاہر نظر نہیں آتا۔ ان ہیلز نما سینڈلز میں پاؤں کا نچلا حصہ مکمل نمایاں رہتا ہے اور صرف ٹخنے کے گرد ایک باریک پٹی موجود ہوتی ہے۔ اس انوکھے ڈیزائن کی قیمت تقریباً 1500 امریکی ڈالر (تقریباً 4 لاکھ 18 ہزار پاکستانی روپے) بتائی جا رہی ہے۔ سوشل میڈیا پر جہاں کچھ صارفین اسے ناقابلِ استعمال قرار دے رہے ہیں، وہیں فیشن ماہرین اسے روایتی جوتوں کے تصور کو چیلنج کرنے والا ایک جرات مندانہ اور تخلیقی قدم قرار دے رہے ہیں۔