چیئرمین پی سی بی کا ہاکی ٹیم کے بےروزگارکھلاڑیوں کو ملازمتیں دینے کا اعلان

چئیرمین پی سی بی محسن نقوی نے ورلڈکپ کوالیفائی کرنے والی قومی ہاکی ٹیم کے بے روزگار کھلاڑیوں کو ملازمتیں دینے کا اعلان کردیا۔ انہوں نے انجری کے شکار کھلاڑیوں کو علاج سمیت ہر سہولت فراہم کرنے کی یقین دہانی بھی کرادی۔

قذافی اسٹیڈیم لاہور میں چئیرمین پی سی بی محسن نقوی نے کپتان عماد شکیل بٹ کی قیادت میں کھلاڑیوں سے ملاقات کی۔۔۔۔۔۔ 8 برس بعد ورلڈ کپ کے لئے کوالیفائی کرنے پر کھلاڑیوں کو مبارکباد دی اور بے روز گار کھلاڑیوں کو سی ڈی اے میں ملازمتیں دینے ۔زخمی ہاکی پلئیرز کا علاج کرانے اور بہترین سہولیات فراہم کرنے کا اعلان کیا

کپتان عماد شکیل بٹ نے چئیرمین پی سی بی محسن نقوی کا ہاکی کھلاڑیوں کو ملازمتیں دینے سمیت مکمل سرپرستی کرنے پر شکریہ ادا کیا اور کہا کہ محسن نقوی پی ایس ایل طرز کی ہاکی لیگ کرانے کی منصوبہ بندی کررہے ہیں۔بے روزگار کھلاڑیوں نے سی ڈی اے میں ملازمتیں ملنے اوردیگر سہولیات ملنے پر خوشی کا اظہارکیا۔