کینیڈا کی مغربی کنارے پر کنٹرول بڑھانے کے اسرائیلی فیصلے کی مذمت

امریکا کے بعد کینیڈا نے بھی مغربی کنارے پر کنٹرول بڑھانے کے اسرائیلی فیصلے کی مذمت کر دی ہے۔

کینیڈین وزارتِ خارجہ کی جانب سے جاری بیان میں کہا گیا ہے کہ اسرائیلی ریاست کا یہ اقدام بین الاقوامی قوانین اور عالمی اصولوں کے منافی ہے۔ بیان میں زور دیا گیا کہ مغربی کنارے کی حیثیت میں کسی بھی قسم کی یکطرفہ تبدیلی ناقابل قبول ہے۔

کینیڈا نے خبردار کیا کہ اس اقدام سے خطے میں جاری امن کوششوں کو شدید نقصان پہنچ سکتا ہے اور کشیدگی میں مزید اضافہ ہو سکتا ہے۔

اس سے قبل وائٹ ہاؤس کے ایک عہدیدار کا کہنا تھا کہ صدر ڈونلڈ ٹرمپ مغربی کنارے پر اسرائیلی قبضے کی مخالفت کرتے ہیں۔ ان کے مطابق صدر کا مؤقف ہے کہ مغربی کنارے میں استحکام ہی اسرائیل کی سلامتی کے لیے ضروری ہے۔

واضح رہے کہ مغربی کنارے کی صورتحال پر عالمی سطح پر تشویش پائی جاتی ہے اور متعدد ممالک اس معاملے پر فریقین سے تحمل اور سفارتی حل کی اپیل کر رہے ہیں۔