ڈی جی آئی ایس پی آر کی سمرانٹرن شپ 2026 میں طلبہ و طالبات کیساتھ خصوصی نشست

ڈائریکٹر جنرل آئی ایس پی آر (ڈی جی آئی ایس پی آر) نے ‘آئی ایس پی آر سمر انٹرن شپ 2026’ کے تحت طلبہ و طالبات کے ساتھ ایک خصوصی اور تفصیلی نشست کا اہتمام کیا، جس میں قومی سلامتی، خطے کی تزویراتی صورتحال، دہشت گردی اور سوشل میڈیا کے ذمہ دارانہ استعمال کے موضوعات پر سیر حاصل گفتگو کی گئی۔ نشست کے دوران ڈی جی آئی ایس پی آر نے ملک بھر سے آئے ہوئے طلبہ کے سوالات کے مدلل اور مفصل جوابات دیے اور قومی سلامتی کے حوالے سے پیدا ہونے والی غلط فہمیوں اور ابہام کا ازالہ کیا۔

انٹرن شپ کے شرکاء کو مس انفارمیشن، ڈس انفارمیشن، اور غیر مصدقہ خبروں کے تدارک کے حوالے سے عملی رہنمائی فراہم کی گئی، جبکہ آزاد جموں و کشمیر کی صورتحال، بھارتی پروپیگنڈے اور پاکستان کے اصولی موقف پر تفصیلی بریفنگ دی گئی۔ گفتگو کے دوران بالخصوص ‘فتنہ الہندوستان’ اور ‘فتنہ الخوارج’ سے جڑے تزویراتی حقائق پر روشنی ڈالی گئی جس سے طلبہ کو زمینی صورتحال سمجھنے میں مدد ملی۔ سمر انٹرن شپ 2026 میں پاکستان بھر کے 21 مختلف اسٹیشنز پر 6 ہزار سے زائد طلبہ و طالبات شرکت کر رہے ہیں، جنہوں نے حقائق پر مبنی معلومات کے فروغ اور ملک دشمن پروپیگنڈے کا مؤثر جواب دینے کے عزم کا اظہار ک