پی این فلیٹ کلب سکواش: عاصم، نور، حمزہ اور ناصر کوارٹر فائنل میں

کراچی کے پاکستان نیوی روشن خان-جہانگیر خان اسکواش کمپلیکس میں جاری ‘پی این فلیٹ کلب اوپن انٹرنیشنل اسکواش چیمپئن شپ’ میں پاکستان کے کھلاڑیوں نے شاندار کارکردگی کا مظاہرہ کرتے ہوئے کوارٹر فائنل میں اپنی جگہ پکی کر لی ہے۔ پری کوارٹر فائنل مرحلے کے سنسنی خیز مقابلوں میں قومی ایتھلیٹس نے غیر ملکی حریفوں کے خلاف برتری قائم رکھی۔

میچز کے نتائج کے مطابق عاصم خان نے ہانگ کانگ کے میتھیو لئی کو 1-3 سے شکست دے کر اگلے مرحلے میں قدم رکھا، جبکہ ٹاپ سیڈ نور زمان نے برازیل کے ڈیگو گوبی کو 0-3 کے اسکور سے اسٹریٹ گیمز میں چت کر دیا۔ ادھر سابق ورلڈ جونیئر چیمپئن حمزہ خان اور سوئٹزرلینڈ کے ڈیوڈ برنیٹ کے درمیان کانٹے دار مقابلہ دیکھنے کو ملا جس میں حمزہ نے 2-3 سے فتح حاصل کی، جبکہ ناصر اقبال نے یکطرفہ مقابلے میں مصر کے یاسین شودے کو 0-3 سے آؤٹ کلاس کر کے کوارٹر فائنل کے لیے کوالیفائی کر لیا۔