امریکا: مداح کا فٹبال سے محبت کا انوکھا اظہار

امریکا میں فٹبال کے مداح برائن فاؤلر نے 72 دنوں، 20 گھنٹے اور 56 منٹ میں ایک سیزن کے دوران تمام 30 نیشنل فٹبال لیگ (NFL) اسٹیڈیمز میں حاضر ہو کر ایک ساتھ دو گینیز ورلڈ ریکارڈز بنا دیے۔

فاؤلر نے ایک سیزن میں سب سے زیادہ 56 NFL میچز دیکھنے کا ریکارڈ قائم کیا اور کم وقت میں تمام اسٹیڈیمز میں حاضری کا بھی عالمی ریکارڈ بنایا۔

انہوں نے کچھ اسٹیڈیمز میں دو بار حاضری دی تاکہ ہر اس ٹیم کا ہوم میچ دیکھ سکیں جو اسٹیڈیم شیئر کرتی ہے، جیسے نیویارک جیٹس اور نیو یارک جائنٹس۔

اس سے قبل یہ ریکارڈ جان رائن بیلے کے پاس تھا، جنہوں نے 2021 میں 74 دن، 7 گھنٹے اور 35 منٹ میں یہ ریکارڈ قائم کیا تھا۔