نیویارک جانے والی پرواز میں بچے کی پیدائش، شہریت کے حوالے سے دلچسپ صورتحال پیدا ہوگئی
Web Desk
8 April 2026
جمیکا سے نیویارک جانے والی کیریبین ایئرلائنز کی پرواز اس وقت خبروں کی زینت بن گئی جب دورانِ سفر طیارے میں ایک ننھے مسافر کا اضافہ ہو گیا۔ 4 اپریل کو کنگسٹن سے روانہ ہونے والی اس پرواز میں ایک خاتون نے بحفاظت بچے کو جنم دیا، جس کے بعد ایئرپورٹ پر طبی ٹیم نے ماں اور بچے کو فوری نگہداشت فراہم کی۔ اگرچہ ایئرلائن نے بچے کی جنس ظاہر نہیں کی، تاہم پائلٹ اور ایئر ٹریفک کنٹرولر کے درمیان ہونے والی گفتگو سے معلوم ہوا ہے کہ بچہ لڑکا ہے اور اس کا نام ‘کینیڈی’ رکھا گیا ہے۔
اس دلچسپ واقعے نے نومولود کی شہریت کے حوالے سے ایک پیچیدہ قانونی بحث کو جنم دے دیا ہے۔ امریکی قوانین کے مطابق اگر کوئی بچہ امریکی فضائی حدود میں پیدا ہو تو وہ پیدائشی طور پر امریکی شہریت کا حقدار ہوتا ہے، تاہم موجودہ صورتحال میں یہ واضح نہیں کہ پیدائش کے وقت طیارہ کس مقام پر پرواز کر رہا تھا۔ مزید برآں، صدر ڈونلڈ ٹرمپ کے اس ایگزیکٹو آرڈر نے بھی معاملے کو الجھا دیا ہے جس کے تحت صرف امریکی شہریت رکھنے والے والدین کے بچوں کو ہی شہریت دینے کی بات کی گئی تھی، اگرچہ یہ آرڈر فی الحال وفاقی عدالت کی جانب سے بلاک ہے اور سپریم کورٹ میں زیرِ سماعت ہے۔ ایئرلائن حکام کا کہنا ہے کہ خاتون کی پرائیویسی کا مکمل احترام کیا جا رہا ہے اور شہریت کا فیصلہ متعلقہ دستاویزات اور پیدائش کے وقت طیارے کی درست لوکیشن کی بنیاد پر کیا جائے گا۔
متعلقہ عنوانات
مغربی تھائی لینڈ میں 2000 سال پرانی سونے کی انگوٹھیاں دریافت
7 July 2026
اٹلی: طالب علموں نے دنیا کا سب سے بڑا کاغذی جہاز تیار کرلیا
6 July 2026
دنیا کے سب سے چھوٹے قد کے جوڑے کا منفرد گھر مرکزِ توجہ
6 July 2026
اٹلی: طالب علموں نے دنیا کا سب سے بڑا کاغذی جہاز تیار کرلیا
6 July 2026
ڈزنی لینڈ: 70 سال میں ایک ارب مہمانوں کا تاریخی سنگِ میل عبور کر لیا
6 July 2026
زرافے بھی بنیادی ریاضی سمجھنے کی صلاحیت رکھتے ہیں، تحقین میں انکشاف
4 July 2026
کاکروچ کے لیے ڈائیونگ سُوٹ تیار
4 July 2026
چوری کی انوکھی واردات، 13 کلومیٹر طویل ہائی ٹینشن بجلی کی تاریں غائب
4 July 2026