آئی ایل ٹی20: بابر اعظم 80 ہزار ڈالر میں ڈیزرٹ وائپرز کا حصہ بن گئے

پاکستان کے اسٹار بلے باز بابر اعظم کو DP ورلڈ ILT20 (انٹرنیشنل لیگ ٹی 20) کے پانچویں سیزن کے لیے منعقدہ نیلامی میں ڈیزرٹ وائپرز (Desert Vipers) نے 80 ہزار امریکی ڈالر کی بولی لگا کر اپنے اسکواڈ میں شامل کر لیا ہے۔ اس معاہدے کے ساتھ ہی بابر اعظم متحدہ عرب امارات کی اس مقبول فرنچائز کرکٹ لیگ کا حصہ بن گئے ہیں، جس سے پاکستان اور یو اے ای کے کرکٹ شائقین میں لیگ کے حوالے سے جوش و خروش بڑھ گیا ہے۔

بابر اعظم اس وقت پاکستان میں ڈومیسٹک کرکٹ کے پریذیڈنٹ ٹرافی گریڈ ون میں حصہ لے رہے ہیں۔ اس سے قبل مئی میں انہوں نے پشاور زلمی کی قیادت کرتے ہوئے ایچ بی ایل پی ایس ایل 11 (HBL PSL 11) کا ٹائٹل جیتا تھا، جو بطرف کپتان ان کی پہلی پی ایس ایل ٹرافی تھی۔ بابر اعظم نے اس ایچ بی ایل پی ایس ایل سیزن میں 2 سنچریوں کی مدد سے 588 رنز بنا کر ٹورنامنٹ کے بہترین بیٹر اور ‘ٹیم آف دی ٹورنامنٹ’ کے کپتان کا اعزاز بھی حاصل کیا تھا۔ ڈیزرٹ وائپرز کی انتظامیہ کا کہنا ہے کہ بابر اعظم کی شمولیت سے ان کے ٹاپ آرڈر کو ایک انتہائی تجربہ کار اور دنیا کے بہترین بلے باز کا مضبوط سہارا مل گیا ہے