قومی کرکٹ ٹیم کا دورہ انگلینڈ: کپتان بابراعظم پہلا ٹیسٹ کھیلیں گے یا نہیں؟ فیصلہ آج ہوگا

قومی کرکٹ ٹیم کے دورۂ انگلینڈ کے دوران کپتان بابر اعظم کے پہلے ٹیسٹ میں کھیلنے یا نہ کھیلنے کا حتمی فیصلہ آج کے پریکٹس سیشن کے بعد کیا جائے گا۔ بابر اعظم پریکٹس میچ کے دوران ہاتھ پر گیند لگنے سے زخمی ہو گئے تھے، تاہم انہوں نے ہیڈنگلے اسٹیڈیم میں ہونے والے پریکٹس سیشن میں حصہ لیا ہے۔ دوسری جانب، دورۂ ویسٹ انڈیز پر انجری کا شکار ہونے والے شان مسعود نے بھی پریکٹس سیشن میں حصہ لیا۔ قومی فاسٹ باؤلر محمد عباس نے اس عزم کا اظہار کیا ہے کہ سینئر اور جونیئر کھلاڑیوں پر مشتمل یہ ٹیم انگلینڈ کے خلاف سیریز میں بہترین کارکردگی دکھانے کی کوشش کرے گی۔ یاد رہے کہ پاکستان اور انگلینڈ کے درمیان پہلا ٹیسٹ میچ 19 اگست سے لیڈز میں شروع ہو رہا ہے۔