بابا وانگا کی دہائیوں قبل اسمارٹ فونز سے متعلق کی گئی حیران کن پیشگوئی

غیرملکی میڈیا رپورٹس کے مطابق مشہور پیش گو گو بابا وانگا نے دہائیوں قبل پیش گوئی کی تھی کہ انسان روزمرہ زندگی میں چھوٹے ڈیجیٹل آلات پر انحصار کریں گے۔

آج یہ پیش گوئی حقیقت میں بدلتی نظر آ رہی ہے، جہاں بچے، نوجوان اور بزرگ سب کمپیوٹر، ٹیبلٹس، اسمارٹ فونز اور دیگر آلات استعمال کر رہے ہیں۔

تجزیہ کاروں کے مطابق ڈیجیٹل آلات نے لوگوں کے سماجی تعلقات، تفریح اور کام کرنے کے طریقے بدل دیے ہیں۔ تاہم، اس کے ساتھ ہی اسمارٹ فون اور دیگر آلات کے زیادہ استعمال کے منفی اثرات بھی سامنے آئے ہیں، جیسے کہ بچوں میں بے چینی، ڈپریشن، توجہ کی کمی اور جسمانی سرگرمی میں کمی۔

نیشنل کمیشن فار پروٹیکشن آف چائلڈ رائٹس کی تحقیق میں بتایا گیا کہ 23.8 فیصد بچے سونے سے پہلے اسمارٹ فون استعمال کرتے ہیں، اور یہ شرح عمر کے ساتھ بڑھتی جاتی ہے۔

بابا وانگا کی دیگر مشہور پیش گوئیوں میں دوسری جنگ عظیم، 11 ستمبر، اور 2004 کا سونامی شامل ہیں، اور اب ان کی ٹیکنالوجی سے متعلق پیش گوئی بھی درست ثابت ہوتی دکھائی دے رہی ہے۔