سابق کپتان اظہر علی نے بڑا اعزاز اپنے نام کرلیا

پاکستان کے سابق ٹیسٹ کپتان اور مایاناز بیٹر اظہر علی نے کوچنگ کے میدان میں ایک اہم پیش رفت کرتے ہوئے ‘آئی سی سی لیول 3’ (ICC Level 3) کوچنگ سرٹیفیکیشن حاصل کر لی ہے۔ سوشل میڈیا پلیٹ فارم ایکس (X) پر اس پیش رفت کا اعلان کرتے ہوئے انہوں نے بتایا کہ کرکٹ نے انہیں کیریئر کے دوران بے شمار سبق اور یادگار مواقع دیے ہیں، اور اب وہ اپنا تجربہ نئی نسل تک منتقل کرنا چاہتے ہیں۔

اظہر علی نے عزم کا اظہار کیا کہ ان کی کوشش ہو گی کہ وہ گراس روٹ اور جونیئر سطح پر نوجوان کھلاڑیوں کی صلاحیتوں کو نکھارنے میں اپنا کردار ادا کریں تاکہ انہیں بہترین کرکٹرز اور بااعتماد ایتھلیٹس بنایا جا سکے۔ یاد رہے کہ اظہر علی نے 2010 سے 2022 کے دوران پاکستان کے لیے 97 ٹیسٹ اور 53 ون ڈے انٹرنیشنل میچز میں نمائندگی کی اور قومی ٹیم کی کپتانی کے فرائض بھی انجام دیے ہیں