آسٹریلیا کی دوسرے ٹیسٹ میں بنگلادیش کو اننگز اور51 رنز سےشکست

آسٹریلیا نے بنگلادیش کے خلاف دوسرا ٹیسٹ میچ محض دو دنوں میں ختم کرتے ہوئے ایک اننگز اور 51 رنز کے نمایاں مارجن سے فتح حاصل کر لی ہے، جس کے ساتھ ہی دو ٹیسٹ میچوں پر مشتمل سیریز 1-1 سے برابر ہو گئی۔ میچ میں بنگلہ دیشی بیٹنگ لائن مکمل طور پر ناکام رہی اور پہلی اننگز میں 64 جبکہ دوسری اننگز میں صرف 95 رنز پر ڈھیر ہو گئی۔ آسٹریلیا نے اپنی واحد اننگز میں 210 رنز بنائے تھے۔ کینبرا ٹیسٹ کی اس فتح میں فاسٹ بولر مچل سٹارک نے شاندار کارکردگی کا مظاہرہ کرتے ہوئے دوسری اننگز میں 4 اور میچ میں مجموعی طور پر 10 وکٹیں حاصل کیں، جبکہ پیٹ کمنز اور نیتھن لائن نے دوسری اننگز میں 3، 3 کھلاڑیوں کو آؤٹ کر کے ٹیم کو کامیابی دلائی۔

🌐