ایشین گیمز: قومی پرچم تھامنے والے ایتھلیٹس کا اعلان کر دیا گیا

پاکستان اولمپک ایسوسی ایشن (POA) نے آئندہ ایشین گیمز کی افتتاحی تقریب کے دوران قومی پرچم تھامنے والے ایتھلیٹس (Flag Bearers) کے ناموں کا باقاعدہ اعلان کر دیا ہے۔ پی او اے کے مطابق پاکستان کے ابھرتے ہوئے اسکواش کھلاڑی نور زمان اور قومی ویمن کرکٹ ٹیم کی کپتان فاطمہ ثنا افتتاحی تقریب میں پاکستان کے پرچمدار ہوں گے۔ پاکستان اولمپک ایسوسی ایشن کے صدر عارف سعید نے ان دونوں نامور کھلاڑیوں کی بطور پرچمدار منظوری دی اور ان کے لیے نیک خواہشات کا اظہار کیا۔

ایشین گیمز کا باقاعدہ آغاز 19 ستمبر سے جاپان کے ایچی ناگویا اسٹیڈیم میں ایک پروقار افتتاحی تقریب کے ساتھ ہو رہا ہے۔ اس موقع پر قومی دستے کی قیادت نور زمان اور فاطمہ ثنا کریں گے، جو عالمی سطح پر پاکستان کی نمائندگی کا اعزاز حاصل کر رہے ہیں۔ صدر پی او اے عارف سعید کا کہنا تھا کہ دونوں کھلاڑیوں کا انتخاب ان کی شاندار کھیل اور کارکردگی کا اعتراف ہے، اور امید ہے کہ پورا قومی دستہ گیمز میں بہترین کاوشوں کا مظاہرہ کرے گا۔