ایشین گیمز کرکٹ ایونٹ: فائنل ٹاکرے میں آج پاکستان اور بھارت آمنے سامنے ہوں گے

ایشین گیمز کے کرکٹ ایونٹ کا فائنل معرکہ آج برپا ہوگا جس میں روایتی حریف پاکستان اور بھارت کی ٹیمیں سونے کے تمغے (گولڈ میڈل) کے لیے مدمقابل ہوں گی۔ دونوں ٹیموں کے درمیان یہ اہم فائنل میچ پاکستانی وقت کے مطابق صبح ساڑھے 9 بجے شروع ہوگا۔ قومی کرکٹ ٹیم نے سیمی فائنل میں بنگلہ دیش کے خلاف شاندار کارکردگی کا مظاہرہ کرتے ہوئے اسے 6 وکٹوں سے شکست دے کر فائنل کے لیے کوالیفائی کیا تھا۔

دوسری جانب بھارتی ٹیم نے بھی بہترین کھیل پیش کرتے ہوئے سیمی فائنل جیت کر فائنل میں جگہ بنائی ہے۔ روایتی حریفوں کے اس فیصلہ کن مقابلے کے لیے شائقینِ کرکٹ میں شدید جوش و خروش پایا جا رہا ہے اور ایک سنسنی خیز مقابلے کی توقع کی جا رہی ہے۔