ایشین گیمز ہاکی: سیمی فائنل میں بھارت نے پاکستان کو شکست دے دی

جاپان کے شہر ناگویا میں جاری ایشین گیمز 2026ء کے ہاکی ایونٹ کے سنسنی خیز اور اعصاب شکن پہلے سیمی فائنل میں بھارت نے پاکستان کو سخت مقابلے کے بعد 3-4 سے شکست دے کر فائنل کے لیے کوالیفائی کر لیا ہے۔ میچ کا آغاز بھارت کے جارحانہ کھیل سے ہوا، جس نے ابتدائی طور پر میچ میں 0-3 کی شاندار برتری حاصل کر کے قومی ٹیم پر دباؤ بڑھا دیا۔

تاہم، پاکستان ہاکی ٹیم نے ہمت نہ ہاری اور شاندار کم بیک کرتے ہوئے لگاتار تین گول داغ کر میچ 3-3 سے برابر کر دیا۔ کھیل کے بالکل آخری لمحات میں بھارتی ٹیم نے فیصلہ کن چوتھا گول کر کے 3-4 کی کامیابی حاصل کر لی۔ بھارت کی جانب سے کپتان ہرمن پریت سنگھ نے 2، جبکہ سُکھ جیت سنگھ اور ابھیشک نے ایک ایک گول سکور کیا۔ پاکستان کی طرف سے ابوبکر محمود، حنان شاہد اور رانا وحید نے ایک ایک گول داغا۔ ایونٹ کا دوسرا سیمی فائنل ملائیشیا اور جنوبی کوریا کے درمیان کھیلا جائے گا۔