ایشین گیمز: مینز اور ویمنز کرکٹ مقابلوں کا شیڈول جاری

ایشین کرکٹ کونسل (ACC) نے جاپان میں ہونے والے ایشین گیمز 2026ء کے مینز اور ویمنز کرکٹ مقابلوں کا تفصیلی شیڈول جاری کر دیا ہے۔ جاپان کے شہر آئیچی ناگویا میں 19 ستمبر سے 4 اکتوبر تک منعقد ہونے والے ان کھیلوں کے دوران کرکٹ مقابلے 17 ستمبر سے 3 اکتوبر تک کھیلے جائیں گے۔ ایونٹ کا آغاز ویمنز کرکٹ سے ہوگا جس میں پاکستان ویمنز ٹیم اپنا پہلا میچ 17 ستمبر کو تھائی لینڈ کے خلاف کھیلے گی۔ ویمنز کرکٹ کے سیمی فائنلز 20 ستمبر جبکہ فائنل اور تیسری پوزیشن کے معرکے 22 ستمبر کو ہوں گے۔

دوسری جانب مینز کرکٹ مقابلے کے کوالیفائنگ راؤنڈز 24 سے 26 ستمبر تک جاری رہیں گے۔ پاکستان، بھارت، بنگلہ دیش اور سری لنکا کو سیڈڈ ٹیموں کے طور پر برائے راست کوارٹر فائنل میں جگہ دی گئی ہے۔ پاکستان مینز کرکٹ ٹیم 28 ستمبر کو گروپ بی کی دوسرے نمبر والی ٹیم کا مقابلہ کرے گی، جس کے بعد ایونٹ کے سیمی فائنلز یکم اکتوبر اور فائنل معرکہ 3 اکتوبر کو کھیلا جائے گا۔ پی سی بی نے اس اہم ایونٹ کے لیے 15 رکنی قومی اسکواڈ کا بھی اعلان کر دیا ہے جس کی قیادت صاحبزادہ فرحان کریں گے جبکہ دیگر کھلاڑیوں میں عبدالصمد (نائب کپتان)، صائم ایوب، ابرار احمد، حیدر علی، عثمان خان، عرفات منہاس، عاکف جاوید اور علی رضا جیسے نمایاں نام شامل ہیں