ایشین گیمز 2026 رنگا رنگ تقریب کے ساتھ اختتام پذیر، پاکستان 29ویں نمبر پر رہا

جاپان کے شہر ناگویا میں 2026ء کے ایشین گیمز رنگا رنگ اختتامی تقریب کے ساتھ اپنے اختتام کو پہنچ گئے ہیں، جس میں چین نے میڈلز کی جدول پر ایک بار پھر اپنی برتری ثابت کرتے ہوئے پہلی پوزیشن برقرار رکھی۔ چین نے ایونٹ میں شاندار اور جارحانہ کارکردگی کا مظاہرہ کرتے ہوئے 169 طلائی تمغوں سمیت مجموعی طور پر 341 میڈلز اپنے نام کیے۔ میزبان ملک جاپان 63 طلائی، 95 چاندی اور 91 کانسی کے تمغوں (مجموعی طور پر 249 میڈلز) کے ساتھ دوسرے نمبر پر رہا، جبکہ جنوبی کوریا نے 39 طلائی، 43 چاندی اور 68 کانسی کے تمغوں (مجموعی طور پر 150 میڈلز) کے ساتھ تیسری پوزیشن حاصل کی۔

ایشین گیمز میں پاکستان کی قومی ٹیم نے مجموعی طور پر 10 تمغے حاصل کیے، جن میں 2 چاندی اور 8 کانسی کے تمغے شامل ہیں۔ اس پیش رفت کے ساتھ ہی پاکستان 10 میڈلز کے ساتھ جدول پر 29ویں نمبر پر رہا۔ اختتامی تقریب کے ساتھ ہی مشعل بجھا کر ایشین گیمز کے اگلے ایڈیشن تک کے لیے ایونٹ کا باقاعدہ اختتام کر دیا گیا۔