ارشد ندیم لوزان ڈائمنڈ لیگ میں ایکشن کیلئے تیار، نیرج چوپڑا بھی میدان میں ہونگے

پاکستان کے نامور اولمپک چیمپئن ارشد ندیم کا نام سوئٹزرلینڈ کے شہر لوزان میں منعقد ہونے والی ‘لوزان ڈائمنڈ لیگ’ کی جیولن تھرو مقابلے کی آفیشل انٹری لسٹ میں شامل کر لیا گیا ہے۔ اس عالمی معیار کے ایونٹ میں ارشد ندیم کے ساتھ بھارت کے سٹار ایتھلیٹ نیرج چوپڑا سمیت دنیا بھر کے صفِ اول کے جیولن تھرو پلیئرز ایکشن میں نظر آئیں گے۔ شائقینِ کھیل کی نظریں بالخصوص پاکستان اور بھارت کے ان دو عظیم ایتھلیٹس کے سنسنی خیز مقابلے پر جمی ہوئی ہیں۔ یہ عالمی مقابلہ 21 اگست کو سوئٹزرلینڈ میں منعقد ہوگا جہاں دنیا کے بہترین تھروورز اپنی شاندار صلاحیتوں کا مظاہرہ کریں گے۔