عالمی فوجداری عدالت کے عہدیداروں پر امریکی پابندیاں، انتونیو گوتریس کا اظہار تشویش

اقوام متحدہ کے سیکرٹری جنرل انتونیو گوتریس نے عالمی فوجداری عدالت کے اعلیٰ عہدیداروں پر امریکہ کی جانب سے عائد کی جانے والی نئی پابندیوں پر شدید تشویش کا اظہار کیا ہے۔

اقوام متحدہ کے ترجمان سٹیفن دوجارک کے مطابق سیکرٹری جنرل نے آئی سی سی کی صدر ٹوموکو اکانے اور عدالت کے سینئر ٹرائل وکیل عبداللہ سیے پر امریکی پابندیوں کو عالمی انصاف کے لیے نقصان دہ قرار دیا۔ انہوں نے واضح کیا کہ اقوام متحدہ عالمی فوجداری عدالت کو بین الاقوامی فوجداری انصاف اور قانون کی حکمرانی کا ایک اہم ستون سمجھتا ہے اور اس کے تمام اقدامات و خودمختاری کا مکمل احترام کرتا ہے۔

واضح رہے کہ امریکی وزیر خارجہ مارکو روبیو نے 18 اگست کو آئی سی سی کے ان اعلیٰ عہدیداروں پر پابندیاں عائد کرنے کا اعلان کیا تھا، جس پر واشنگٹن کا موقف ہے کہ آئی سی سی نے ان ممالک کے حکام کے خلاف اقدامات کرنے کی کوشش کی جنہوں نے اس کے دائرہ اختیار کو تسلیم نہیں کیا۔ اس امریکی فیصلے کی عالمی فوجداری عدالت اور جاپان سمیت متعدد ممالک نے شدید مذمت کرتے ہوئے اسے عدالت کی آزادی اور عالمی قوانین کے خلاف ورزی قرار دیا ہے۔