ایرانی وزیر خارجہ کا فیلڈ مارشل سے رابطہ، خطے کی تازہ صورتحال پر گفتگو

ایرانی وزیر خارجہ عباس عراقچی اور پاکستان کے فیلڈ مارشل عاصم منیر کے درمیان ٹیلی فون پر اہم رابطہ ہوا ہے۔

ایرانی میڈیا کے مطابق، اس ٹیلی فونک گفتگو کے دوران دونوں رہنماؤں نے خطے کی تازہ ترین سیکیورٹی و سیاسی صورتحال اور باہمی دلچسپی کے متعدد امور پر تفصیلی تبادلہ خیال کیا۔ فیلڈ مارشل عاصم منیر اور ایرانی وزیر خارجہ نے حالیہ سفارتی اقدامات پر بات چیت کی اور مسائل کے سیاسی و سفارتی حل کو آگے بڑھانے کے لیے جاری کوششوں کی حمایت کا اعادہ کیا۔ اس کے علاوہ دونوں رہنماؤں نے پاک-ایران باہمی مشاورت اور سیکیورٹی و سفارتی تعاون کو مزید مستحکم کرنے پر بھی اتفاق کیا۔