اسرائیلی فوج کی پہلی بار ہند رجب کے خاندان پر فائرنگ کی تصدیق

اسرائیلی فوج نے بالآخر پہلی بار باضابطہ طور پر اعتراف کر لیا ہے کہ اس کی فورسز نے غزہ میں 5 سالہ فلسطینی بچی ہند رجب اور ان کے خاندان کی گاڑی پر فائرنگ کی تھی۔

اسرائیلی فوج کی جانب سے جاری کردہ ایک بیان میں تصدیق کی گئی ہے کہ جنوری 2024ء میں پیش آنے والے اس واقعے میں ہند رجب اور ان کے خاندان کے 6 افراد کی گاڑی کو فائرنگ کا نشانہ بنایا گیا تھا۔

واضح رہے کہ اس اندوہناک واقعے کے دوران 5 سالہ ہند رجب کئی گھنٹوں تک گاڑی میں اپنے شہید اہل خانہ کی لاشوں کے درمیان محصور رہی تھیں اور امداد کے لیے پی آر سی ایس (فلسطینی ریڈ کریسنٹ) سے ٹیلی فونک رابطے میں تھیں۔ ان کی مدد کے لیے بھیجی گئی ایمبولینس کو بھی اسرائیلی حملے کا نشانہ بنایا گیا تھا، جس کے نتیجے میں ہند رجب اور ان کے خاندان کے تمام افراد کے ساتھ ساتھ ان کی نجات کے لیے پہنچنے والے 2 فلسطینی طبی اہلکار (پیرامیڈیکس) بھی شہید ہو گئے تھے۔