اینڈی فلاور نے انگلینڈ کرکٹ ٹیم کی کوچنگ سے معذرت کرلی

زمبابوے سے تعلق رکھنے والے نامور کوچ اینڈی فلاور نے انگلینڈ کرکٹ ٹیم کی کوچنگ کرنے سے معذرت کرتے ہوئے خود کو اس ریس سے باہر کر لیا ہے۔ اپنے ایک بیان میں انہوں نے واضح کیا کہ وہ اس وقت دنیا بھر کی مختلف لیگز، بشمول بھارتی لیگ اور دی ہنڈرڈ میں لندن سپرٹ کی کوچنگ کر رہے ہیں اور اپنے موجودہ کام سے انتہائی خوش اور مطمئن ہیں۔ انہوں نے ماضی میں انگلینڈ ٹیم کے ساتھ گزرے وقت کو بہترین قرار دیا تاہم یہ بھی کہا کہ وہ ایک ہی وقت میں مختلف لیگز اور انگلینڈ جیسے بڑے انٹرنیشنل فارمیٹ کی کوچنگ بیک وقت نہیں کر سکتے۔ واضح رہے کہ انگلینڈ اینڈ ویلز کرکٹ بورڈ (ای سی بی) نے نیوزی لینڈ کے خلاف ٹیسٹ سیریز میں شکست کے بعد، آئندہ ایشز سیریز کو مدنظر رکھتے ہوئے برینڈن میک کولم کو ریڈ بال (ٹیسٹ) ٹیم کے ہیڈ کوچ کے عہدے سے سبکدوش کر دیا تھا، جس کے بعد اب بورڈ نئے ہیڈ کوچ کی تلاش میں ہے۔