جرمنی میں تعمیراتی کام کے دوران 2 ہزار سال پرانا اہم رومی مقام دریافت

جرمنی میں تعمیراتی کام کے دوران مزدوروں نے اتفاقی طور پر ایک انتہائی اہم تاریخی مقام دریافت کر لیا ہے، جس کے بارے میں ماہرین کا کہنا ہے کہ یہ تقریباً 2 ہزار سال پرانا رومی دور کا ورثہ ہے۔ یہ دریافت کولون (Cologne) شہر میں ‘ایل وی آر یہودی میوزیم’ کی تعمیر کے دوران اس وقت ہوئی جب کھدائی کے دوران قدیم عمارت کے آثار برآمد ہوئے۔

کھدائی کے دوران ایک قدیم نجی قربان گاہ ملی ہے جو اس دور کی مذہبی روایات کی عکاسی کرتی ہے۔
ماہرینِ آثارِ قدیمہ کے مطابق یہ اس دریافت کا سب سے پرانا حصہ ہے، جس کا درمیانی حصہ ابھی تک محفوظ ہے۔ خیال کیا جاتا ہے کہ یہ زینہ ‘پریٹوریم’ (رومی گورنر کی سرکاری رہائش گاہ) کو دریائے رائن سے ملاتا تھا۔
یہاں ایک وسیع و عریض عمارت کی بنیادیں بھی ملی ہیں، جو اس دور کے جدید طرزِ تعمیر کا ثبوت ہیں۔
آثارِ قدیمہ کے ماہرین نے تصدیق کی ہے کہ یہ مقام پہلی صدی عیسوی میں رومی دورِ اقتدار کے دوران آباد تھا۔ ماہرین کا خیال ہے کہ اس دریافت سے قدیم جرمنی میں رومیوں کے طرزِ زندگی اور ان کے انتظامی ڈھانچے کو سمجھنے میں مزید مدد ملے گی۔ فی الحال اس مقام پر مزید سائنسی تحقیق جاری ہے تاکہ زینے کے دونوں سروں اور عمارت کی اصل نوعیت کا حتمی تعین کیا جا سکے۔