امریکا: مشہور نیوز اینکر کی رنگ برنگی جرابوں کا انوکھا کلیکشن

امریکہ کے فلیڈیلفیا میں ریٹائرڈ نیوز اینکر جِم ڈونوون نے رنگ برنگی جرابوں کا گینیز ورلڈ ریکارڈ قائم کر دیا۔

ڈونوون کے مجموعے میں 1531 منفرد جوڑیاں شامل ہیں جن میں بعض جرابوں پر ان کا چہرہ بھی بنا ہوا ہے۔ دوران ملازمت ان کی رنگ برنگی جرابیں ناظرین نے دیکھیں اور مداحوں نے انہیں نئی جوڑیاں بھیجنا شروع کر دی۔

گینیز ورلڈ ریکارڈز نے ان کے مجموعے کی تصدیق کی۔ ڈونوون نے کہا کہ کئی برسوں سے مداحوں کی جانب سے بھیجی گئی جرابیں ان کے لیے بہت خاص ہیں۔