امریکا: نیوکلیئر فیوژن کا عمل کرنے والا 12 سالہ طالبعلم

ڈیلاس، ٹیکساس: امریکا کی ریاست Texas کے شہر Dallas سے تعلق رکھنے والے 12 سالہ طالب علم Aiden McMullen نے کم عمری میں نیوکلیئر فیوژن کا عمل انجام دے کر عالمی توجہ حاصل کر لی۔

ایڈن مک ملن کے مطابق انہوں نے صرف آٹھ برس کی عمر میں اپنے سائنسی منصوبے پر کام شروع کیا تھا۔ ابتدائی دو سال انہوں نے نیوکلیئر فزکس کا مطالعہ کیا اور اس کے بعد مختلف پروٹو ٹائپس تیار کیے۔

ان کا کہنا تھا کہ اپنی والدہ کو مطمئن کرنا ان کے لیے ایک بڑا مرحلہ تھا۔ والدہ مسلسل یہ سوال کرتی تھیں کہ اس تجربے میں کیا غلط ہو سکتا ہے اور کس طرح ہو سکتا ہے، اور وہ ہر مرحلے پر حفاظتی اقدامات کو یقینی بنانے پر زور دیتی تھیں۔

بالآخر ان کی محنت رنگ لائی اور وہ نیوکلیئر فیوژن کا عمل انجام دینے میں کامیاب ہوگئے۔ ایڈن نے اعلان کیا ہے کہ وہ اپنے کارنامے کے شواہد جلد ہی Guinness World Records میں جمع کرائیں گے تاکہ کم عمر ترین فرد کے طور پر ریکارڈ قائم کیا جا سکے۔

واضح رہے کہ اس وقت کم عمر ترین نیوکلیئر فیوژن کرنے کا ریکارڈ امریکی نوجوان Jackson Oswalt کے پاس ہے، جنہوں نے 2018 میں یہ کارنامہ انجام دیا تھا۔