سونے کے بعد چاندی کی قیمت بلند ترین سطح پر پہنچ گئی

عالمی مارکیٹ میں چاندی کی قیمتوں میں نمایاں اضافہ ریکارڈ کیا گیا ہے، جہاں 7.5 فیصد اضافے کے بعد قیمت بلند ترین سطح 93 ڈالر فی اونس تک پہنچ گئی ہے۔

عالمی میڈیا رپورٹس کے مطابق چاندی کی قیمتوں میں یہ تیزی 2025 کے آغاز سے دیکھنے میں آ رہی ہے، اور گزشتہ 13 ماہ کے دوران چاندی کی قیمت میں 210 فیصد سے زائد اضافہ ہو چکا ہے۔

دوسری جانب عالمی مارکیٹ میں سونے کی قیمت بھی نئی بلند ترین سطح پر پہنچ گئی ہے، جہاں فی اونس سونا 4638 ڈالر کا ہو گیا ہے۔ پاکستان میں سونے کی فی تولہ قیمت 4 لاکھ 86 ہزار 162 روپے کی بلند ترین سطح پر ریکارڈ کی گئی ہے۔

اسی طرح ملک میں چاندی کی قیمت بھی تاریخ کی بلند ترین سطح پر پہنچ گئی ہے، جہاں گزشتہ روز فی تولہ چاندی 9 ہزار 575 روپے میں فروخت ہوئی۔