قابض افغان طالبان رجیم کے خلاف مسلح مزاحمت تیز

افغانستان میں طالبان انتظامیہ کے خلاف مختلف مسلح مخالف گروہوں کی کارروائیوں میں شدت آ گئی ہے، جس کے باعث قابض طالبان رجیم پر دباؤ میں نمایاں اضافہ دیکھا جا رہا ہے۔ افغان جریدے ‘ہشتِ صبح’ کی رپورٹ کے مطابق جولائی 2026ء سے یکم ستمبر 2026ء کے درمیان طالبان مخالف اہم محاذوں—نیشنل ریزسٹنس فرنٹ (NRF)، فریڈم فرنٹ، اور یونائیٹڈ فرنٹ—نے ملک کے مختلف حصوں میں 73 کارروائیوں اور حملوں کا دعویٰ کیا ہے۔

رپورٹ کے مطابق ان اہم گروہوں کے علاوہ ہوم لینڈ سولجرز فرنٹ، نیشنل موبلائزیشن فرنٹ، فریڈم موومنٹ، اور فریڈم اینڈ جسٹس موومنٹ نے بھی طالبان فورسز کے خلاف متعدد حملوں کی ذمہ داری قبول کی ہے۔ تجزیہ کاروں کے مطابق طالبان کی کمزور ہوتی عوامی حمایت، معاشی زبوں حالی اور آپسی اندرونی اختلافات نے ان مخالف محاذوں کی پیش قدمی کو مزید تقویت بخشی ہے۔ طالبان انتظامیہ کے خلاف مسلسل بڑھتے ہوئے مسلح حملے اور نئے محاذوں کا قیام افغان عوام کی شدید داخلی شکایات اور غصے کا براہِ راست نتیجہ ہیں۔