نیشنل ڈائیلاگ کمیٹی نے نئے صوبے اور انتظامی یونٹس کا قیام ناگزیر قرار دیدیا

نیشنل ڈائیلاگ کمیٹی کے رہنما اور سابق وفاقی وزیر فواد چوہدری نے ملک میں نئے صوبوں اور انتظامی یونٹس کی تشکیل کو وقت کی اہم ترین ضرورت قرار دے دیا ہے۔ میڈیا سے گفتگو کرتے ہوئے ان کا کہنا تھا کہ موجودہ فرسودہ انتظامی ڈھانچہ عوام کے مسائل حل کرنے میں مکمل طور پر ناکام ہو چکا ہے اور لوگ روزگار، صحت، تعلیم اور صاف پانی جیسی بنیادی سہولیات سے محروم ہیں۔

فواد چوہدری نے کہا کہ عام آدمی مہنگائی اور انتظامی ابتر صورتِ حال کے باعث پس رہا ہے، جبکہ ملک کو اس وقت بہتر گورننس، مؤثر انتظامی ڈھانچے اور وسائل کی منصفانہ تقسیم کی اشد ضرورت ہے۔ سابق وفاقی وزیر نے تمام سیاسی و سماجی دھاروں پر زور دیا کہ ملک کی بہتری کے لیے نئے صوبوں کے قیام کی تجویز پر کسی تعصب کے بغیر، سنجیدہ اور کھلے ذہن کے ساتھ جامع بحث کا آغاز کیا جائے