9/11 انہی لوگوں نے کیا جن کو امریکا نے ہتھیار فراہم کیے تھے: اسماعیل بقائی

ایران کی وزارتِ خارجہ کے ترجمان اسماعیل بقائی نے امریکی وزیرِ دفاع (سکریٹری آف ڈیفنس) پیٹ ہیگسیتھ کے حالیہ بیان پر شدید ردِعمل دیتے ہوئے کہا ہے کہ 11 ستمبر (نائن الیون) کے حملے انہی عناصر نے کیے تھے جنہیں خود امریکہ نے مسلح اور منظم کیا تھا۔ ترجمان کا کہنا تھا کہ امریکی وزیرِ دفاع کا بیان بنیادی تضادات سے بھرپور ہے، اور جارحیت و بزدلانہ قتلِ عام میں ملوث ملک کو یہ حق حاصل نہیں کہ وہ دیگر آزاد ممالک کے دفاعی اقدامات کے جائز یا ناجائز ہونے پر سوال اٹھائے۔

اسماعیل بقائی نے کہا کہ نائن الیون کے بعد امریکہ کی نام نہاد ’دہشت گردی کے خلاف جنگ‘ نے افغانستان اور عراق میں بے پناہ تباہی مچائی، اور اب نائن الیون کو ایران کے خلاف جنگ کے جواز کے طور پر پیش کرنا انتہائی مضحکہ خیز ہے۔ انہوں نے امریکہ کو ایرانی حکام، شہریوں، خواتین اور بچوں کے قتل کا ذمہ دار قرار دیتے ہوئے زور دیا کہ ایران کے خلاف کسی بھی قسم کی جنگ غیر قانونی ہو گی اور اسے دہشت گردی کے خلاف کارروائی کا نام نہیں دیا جا سکتا، کیونکہ دہشت گردی کا دعویٰ کسی بھی ملک کو عام شہریوں کو نشانہ بنانے کا جواز فراہم نہیں کرت