پاکستان سٹاک ایکسچینج میں تیزی، 100 انڈیکس 500 پوائنٹس اضافے سے بند

پاکستان اسٹاک ایکسچینج (پی ایس ایکس) میں کاروباری ہفتے کے اختتام پر بازارِ حصص میں تیزی کا رجحان رہا اور بینچ مارک 100 انڈیکس 500 پوائنٹس کے اضافے کے ساتھ ایک لاکھ 77 ہزار 873 پوائنٹس کی سطح پر بند ہوا۔ اسٹاک مارکیٹ میں مجموعی طور پر 567 کمپنیوں کے حصص کا کاروبار ہوا، جن میں سے 284 کمپنیوں کے شیئرز کی قیمتوں میں اضافہ جبکہ 184 کمپنیوں کے حصص میں کمی ریکارڈ کی گئی۔ کاروبار کے دوران سرمایہ کاروں کی دلچسپی کے باعث 30 ارب روپے مالیت کے ایک ارب سے زائد شیئرز کا لین دین کیا گیا، جس سے کاروباری سرگرمیوں میں بھی نمایاں رونق دیکھنے میں آئی۔