پاکستان سٹاک ایکسچینج میں کاروبار کے دوران مثبت رجحان

پاکستان سٹاک ایکسچینج (پی ایس ایکس) میں کاروباری ہفتے کے پانچویں اور آخری روز کاروبار کے آغاز پر مثبت رجحان اور تیزی دیکھنے میں آئی ہے، جہاں 300 سے زائد پوائنٹس کے اضافے کے ساتھ کے ایس ای 100 انڈیکس ایک لاکھ 77 ہزار 771 پوائنٹس کی سطح پر پہنچ گیا۔ واضح رہے کہ گزشتہ کاروباری دن کے اختتام پر سٹاک مارکیٹ میں مندی کے باعث 100 انڈیکس 1710 پوائنٹس کی نمایاں کمی کے ساتھ ایک لاکھ 77 ہزار 373 پوائنٹس کی سطح پر بند ہوا تھا۔