پٹرولیم لیوی میں 1 روپے 65 پیسے فی لیٹر کمی

وفاقی حکومت کی جانب سے پٹرول کی قیمتوں کے تعین کا فارمولا تبدیل کیے جانے کے بعد پٹرولیم لیوی میں کمی کے ثمرات سامنے آنے لگے ہیں، جس کے تحت حکومت نے فی لٹر پٹرول پر عائد پٹرولیم لیوی میں مزید ایک روپے 65 پیسے کی کمی کر دی ہے اور اس حالیہ اقدام کے بعد شہریوں کے لیے فی لٹر پٹرول پر لیوی کا بوجھ کم ہو کر 63 روپے 64 پیسے رہ گیا ہے۔ واضح رہے کہ حکومت کی جانب سے گزشتہ ایک ہفتے سے پٹرولیم مصنوعات کی قیمتوں میں مرحلہ وار کمی کا سلسلہ جاری ہے، جس کے نتیجے میں ایک ہفتے کے دوران اب تک پٹرول مجموعی طور پر تقریباً 35 روپے فی لٹر سے زائد سستا کیا جا چکا ہے۔