ڈگری معاملہ، طارق جہانگیری کی درخواست پر سماعت چھٹیوں کے بعد تک ملتوی

اسلام آباد ہائیکورٹ کے سابق جج طارق محمود جہانگیری کے ڈگری معاملے پر توہین عدالت کی درخواست کی سماعت سرما کی تعطیلات کے بعد تک ملتوی کر دی گئی ہے۔

سماعت کے دوران جامعہ کراچی کے وائس چانسلر پروفیسر خالد محمود عراقی اور رجسٹرار پروفیسر عمران احمد صدیقی نے عدالت میں جوابی حلف نامے جمع کروائے۔ رجسٹرار نے کہا کہ اسلام آباد ہائی کورٹ نے ڈگری کے معاملے پر حتمی فیصلہ سنا چکا ہے، جس کے بعد توہین عدالت کی درخواست غیر مؤثر ہو گئی ہے اور خارج کی جانی چاہیے۔

انہوں نے مزید بتایا کہ سندھ ہائی کورٹ کے 3 اکتوبر کے فیصلے کے بعد جامعہ کراچی نے عدالتی احکامات کے مطابق کوئی کارروائی یا نوٹیفکیشن جاری نہیں کیا، اور ریکارڈ بغیر کسی ردوبدل عدالت میں پیش کیا گیا۔