واشنگٹن پوسٹ: 2025 میں پاک امریکہ تعلقات میں انقلابی تبدیلی، پاکستان کو فوقیت حاصل

واشنگٹن پوسٹ کے تازہ آرٹیکل میں بتایا گیا ہے کہ 2025 کو پاک امریکہ تعلقات میں انقلابی تبدیلی کا سال قرار دیا جا رہا ہے۔ سابق امریکی صدر ٹرمپ کی جنوبی ایشیا پالیسی میں پاکستان کو مرکزی ستون بنایا گیا، جبکہ بھارت کو فوقیت دینے کا دور ختم ہو گیا۔

آرٹیکل کے مطابق پاک امریکہ تعلقات میں پہلا مثبت موڑ خفیہ کاؤنٹر ٹیررازم تعاون سے آیا، اور مارچ میں ٹرمپ نے پاکستان کی غیر متوقع تعریف کی جس نے واشنگٹن میں پالیسی کا رخ بدل دیا۔ مئی کی مختصر مگر شدید پاک بھارت جھڑپ کے بعد پاکستان کی ملٹری کارکردگی نے امریکی قیادت کو حیران کر دیا اور پاکستان کو دوبارہ سنجیدہ ریجنل ایکٹر کے طور پر دیکھا جانے لگا۔

واشنگٹن پوسٹ نے فیلڈ مارشل سید عاصم منیر کے کردار کو نمایاں کرتے ہوئے بتایا کہ وہ ٹرمپ کے انر سرکل میں اہم مقام حاصل کر گئے، ان کے لیے “Disciplined Dark Horse” اور “Deliberate Mystery” جیسے القابات دیے گئے، اور وائٹ ہاؤس میں لنچ میٹنگ کے لیے یہ پہلی بار ہوا کہ کسی پاکستانی ملٹری ہیڈ کو ریڈ کارپٹ استقبال ملا۔

آرٹیکل میں کہا گیا کہ 2026 کے آغاز پر پاکستان کو ٹرمپ کی گرینڈ اسٹریٹیجی کے مرکز کے قریب دیکھا جا رہا ہے، اور ایران، غزہ اور جنوبی ایشیا میں پاکستان کے ممکنہ کلیدی کردار کو اہم قرار دیا گیا۔ واشنگٹن میں India-first پالیسی کا دور ختم ہو چکا ہے اور نئی امریکی پالیسی کی پائیداری اسلام آباد اور دہلی کے رویے سے مشروط ہے۔