انسدادِ دہشت گردی عدالت: ایمان مزاری و دیگر کی عبوری ضمانت میں توسیع

انسدادِ دہشت گردی عدالت اسلام آباد میں صدر ہائیکورٹ بار واجد گیلانی کے ساتھ مبینہ لڑائی جھگڑے اور تشدد کے کیس کی سماعت ہوئی۔ کیس کی سماعت جج ابوالحسنات محمد ذوالقرنین نے کی۔

عدالت نے ایمان مزاری، ہادی علی چٹھہ اور دیگر ملزمان کی عبوری ضمانتوں میں توسیع کر دی۔ ملزمان کی ضمانت قبل از گرفتاری کی درخواستوں پر دلائل نہیں ہو سکے۔عدالت نے تفتیشی افسر کو ضمنی رپورٹ مکمل کرنے کی ہدایت کرتے ہوئے فریقین کے وکلاء کو آئندہ سماعت پر دلائل دینے کا حکم دیا۔ کیس کی مزید سماعت 5 جنوری تک ملتوی کر دی گئی۔

واضح رہے کہ ایمان مزاری، ہادی علی چٹھہ اور دیگر کے خلاف تھانہ سیکرٹریٹ میں مقدمہ درج ہے۔