سٹاک ایکسچینج : ہفتے کا اختتام مندی پر ہوا، 100 انڈیکس میں 1493 پوائنٹس کی کمی ریکارڈ

پاکستان اسٹاک ایکسچینج (PSX) میں کاروباری ہفتے کے اختتام پر مندی کا رجحان غالب رہا، جس کے نتیجے میں کے ایس ای-100 انڈیکس 1493 پوائنٹس کی نمایاں کمی کے ساتھ 1 لاکھ 73 ہزار 886 پوائنٹس کی سطح پر بند ہوا۔ ٹریڈنگ کے دوران انڈیکس کی بلند ترین سطح 1 لاکھ 74 ہزار 329 جبکہ کم ترین سطح 1 لاکھ 72 ہزار 809 پوائنٹس ریکارڈ کی گئی۔ سیشن میں مجموعی طور پر 567 کمپنیوں کے حصص کا لین دین ہوا، جن میں سے 190 کمپنیوں کے شیئرز کی قیمت میں اضافہ جبکہ 277 کمپنیوں میں کمی دیکھی گئی۔ مارکیٹ میں دن بھر تقریباً 22 ارب روپے کی مالیت کے 14 کروڑ شیئرز کی خرید و فروخت ہوئی۔