امریکا نے ڈیڑھ سال میں مذاکرات کے چاروں ادوار سبوتاژ کیے: باقری کنی

ایران کی قومی سلامتی کونسل کے نائب علی باقری کنی نے امریکا پر سنگین الزام عائد کرتے ہوئے کہا ہے کہ واشنگٹن نے گزشتہ ڈیڑھ سال کے دوران سفارتی مذاکرات کے چاروں ادوار کو سبوتاژ کیا اور اپنے وعدوں سے انحراف کر کے مذاکراتی عمل کو شدید نقصان پہنچایا ہے۔ تہران میں ایرانی میڈیا سے گفتگو کرتے ہوئے انہوں نے واضح کیا کہ نئے سفارتی مرحلے کے آغاز سے قبل امریکی وعدوں پر عدم اعتماد کرنا ایران کا بنیادی حق ہے۔ علی باقری کنی کا مزید کہنا تھا کہ ایران اب محض امریکی بیانات یا زبانی یقین دہانیوں پر اکتفا نہیں کرے گا، بلکہ مذاکرات کی بحالی اور اعتماد کی فضا قائم کرنے کے لیے واشنگٹن کو واضح، عملی اور ٹھوس اقدامات کر کے دکھانا ہوں گے۔