وزیراعظم کا مجوزہ دورۂ روس، 148 کمپنیوں اور 169 نمائندوں کی فہرست تیار

وزیراعظم محمد شہباز شریف کے دسمبر کے پہلے ہفتے میں متوقع دورۂ روس کے پیشِ نظر ماسکو میں پاکستان روس بزنس فورم اور دونوں ممالک کی کمپنیوں کے درمیان براہِ راست تجارتی (B2B) ملاقاتوں کی تیاریاں پر زور طریقے سے جاری ہیں۔ پاکستانی سفارت خانے کے ٹریڈ ونگ کی تیار کردہ دستاویزات کے مطابق 148 پاکستانی کمپنیوں کے 169 نمائندے ٹیکسٹائل، چمڑے، زرعی اجناس، آئی ٹی، فارماسیوٹیکل اور لاجسٹکس سمیت مختلف شعبوں میں روسی کاروباری اداروں اور سپر مارکیٹ چینز کے ساتھ تعاون کے امکانات کا جائزہ لیں گے۔ دورے کے دوران وزیراعظم کی روسی صدر ولادیمیر پوتن سے اہم ملاقات بھی متوقع ہے جس میں دوطرفہ اقتصادی روابط، روایتی تجارت اور ٹیکنالوجی کی شراکت داری کو وسعت دینے پر بات چیت کی جائے گی۔