سونے کی قیمتوں میں بڑی گراوٹ: فی تولہ سونا 6500 روپے سستا، عالمی و مقامی مارکیٹ میں ریلیف

کراچی کی صرافہ مارکیٹ میں عالمی و مقامی سطح پر سونے اور چاندی کی قیمتوں میں نمایاں کمی ریکارڈ کی گئی ہے، جہاں فی تولہ سونا 6 ہزار 500 روپے سستا ہو کر 4 لاکھ 29 ہزار 136 روپے کی سطح پر آ گیا ہے۔ 10 گرام سونے کی قیمت میں بھی 5 ہزار 573 روپے کی کمی دیکھی گئی جس کے بعد نئی قیمت 3 لاکھ 67 ہزار 914 روپے ہو گئی ہے۔ عالمی صرافہ مارکیٹ میں بھی فی اونس سونا 65 ڈالر کی گراوٹ کے بعد 4 ہزار 66 ڈالر کی سطح پر پہنچ گیا ہے۔ اس کے علاوہ چاندی کی قیمتوں میں بھی کمی کا رجحان رہا اور فی تولہ چاندی 85 روپے سستی ہو کر 5 ہزار 678 روپے پر فروخت ہو رہی ہے۔