انسان تو انسان، پرندے بھی جھوٹ بولنے لگے، سائنسدان بھی حیران

انسانوں کی طرح جانوروں میں بھی دھوکہ دینے اور فریب کاری کے دلچسپ رویے پائے جاتے ہیں جن کی واضح مثال افریقہ میں پایا جانے والا چھوٹا سا پرندہ ‘ڈرونگو’ ہے، جو مختلف آوازوں کی نقل کر کے دوسرے جانوروں کو ان کی خوراک سے محروم کر دیتا ہے۔ العربیہ ڈاٹ کام کی رپورٹ کے مطابق ڈرونگو خاص طور پر ‘میرکاٹ’ نامی جانوروں کو نشانہ بناتا ہے اور خطرے کی جھوٹی آوازیں نکال کر انہیں بھاگنے پر مجبور کرتا ہے، جس کے بعد وہ ان کا چھوڑا ہوا کھانا کھا لیتا ہے۔ سائنسدانوں نے اس پرندے کی 50 سے زائد مختلف آوازیں ریکارڈ کی ہیں، جبکہ ماہرِ حیوانیات جیمز اوہانلون نے اپنی کتاب ’لائرز، چیٹرز اینڈ میمز‘ میں اس نوعیت کے دیگر حیوانی رویوں کا بھی ذکر کیا ہے، تاہم سائنسدان اس عمل کو براہ راست انسانی شعوری جھوٹ قرار دینے سے گریز کرتے ہیں۔